दधिराम विश्व पक्राउ

नचिनेको समूहको आक्रमणबाट मारिएका भुटानी शरणार्थी शिविर वेलडाँगीका अगुवा केवी खड्काको हत्यामा संलग्न भएको आरोपमा थप एक शरणार्थीलाई प्रहरीले पक्राउ गरेको छ ।
दमक प्रहरीका अनुसार यसरी पक्राउ पर्नेमा बेलडाँगी - १ का दधिराम विश्व रहेका छन् । अभियुक्त विश्वलाई शिविरबाट आइतवार प्रहरीले घटनामा संलग्न रहेको दावी गर्दै नियन्त्रणमा लिएको दमक प्रहरी प्रमुख नविन कार्कीले बताए ।
दुइ महिनाअघि सोही शिविर नजिक मारिएका खड्काको हत्यामा संलग्न चारजनालाई पक्राउ गरि कारवाही चलाइएको पनि प्रहरीले जनाएको छ ।
(प्रतिदिनबाट)