पढाइ छोडेर ‘कमाइ’

शिविरबाहिर गई यौन ब्यवहार गर्ने तीन शरणार्थी युवतीलाई विहिबार विभिन्न स्थानबाट क्याम्प रेखदेख समिति शनिश्चरेले पक्राउ गरेको छ ।

शिविरबाट दुइ/तीन दिन हराएपछि ती युवतीका बाबुआमाले समितिमा उनीहरुको खोजतलासका लागि निवेदन दिएका थिए । सो निवेदन परेपछि समितिले सुराकी लगाई विराटनगर, दमक, वितामोड र इटाहरिका विभिन्न होटल र रेष्टुराँबाट उनीहरुलाई पक्राउ गरेको समितिका संयोजक डिवी गुरुङ्गले बताउनु भयो ।
पक्राउ पर्नेमा शनिश्चरे क्याम्प सेक्टर सि/२, की १६ वषिर्या मोति तामाङ्ग, सेक्टर जे/१ बस्ने १५ वर्षिया निमा डोल्मा तामाङ्ग र सोही क्याम्प बस्ने सेक्टर सि/२ की १६ वर्षिया गोपीमाया दर्जी रहेको गुरुङ्गले जानकारी दिएका छन् ।

शरणार्थी शिविर बेलडाँगी-२ की देवी गुरुङ्गले उनीहरुलाई ललाईफकाई यौन कार्यमा लगाएको उनीहरुले वयान दिएका छन् ।
उनीहरुले एकपटकमा एक हजार देखि पाँच हजार रुपैंयासम्म यौन कार्य गरेबापत कमाई गर्ने गरेको बताएका छन् । सातै शिविरबाट विद्यालय जान छाडेका युवतीहरुको सो कार्यमा संलग्नता रहेको समेत उनीहरुले बताए ।
यौन व्यवसायमा संलग्न शरणार्थी युवतीहरुको एक समूह नै रहेको र सो कार्यबाट कमाइ भएको रकम बैंकमा खाता खोली जम्मा गर्ने गरेको निमा डोल्मा तामाङ्गले बताइन् ।
सो समूह होटल तथा रेष्टुराँको माग अनुसार अनुसार एक/दुइ हप्तासम्म एक ठाँउ देखि अर्को ठाँउसम्म जाने गरेको पनि तामाङ्गले बताएकी छिन् ।
उनीहरुको मोबाइल समूह काकडभिट्टादेखि धरानसम्मका ठूल-ठूला रेष्टूराँसम्म गई सेवा प्रदान गर्ने गरेको तामाङ्गले बताइन् ।
शनिश्चरे शिविरकी सपना सुब्बा, बेलडाँगी शिविरकी अञ्जु विश्व र मञ्जु विश्व इटहरीमा रहेर उनीहरूलाइ यौन पेशामा संलग्न गराइरहेको पनि तामाङ्गले जानकारी दिएकी छन् ।
हाल उनीहरुलाई शनिश्चरे क्याम्पको रेखदेख समितिमा अनुसन्धानका लागि राखिएको छ । क्याम्प ब्यवस्थापन समितिको कार्यालय सोमबार खुलेपछि सम्बन्धित निकायमा बुझाइने गुरुङ्गले बताउनु भयो ।