हत्यारा २ जना

केवी खड्काको हत्या सम्वन्धमा थप जानकारी केही पाइन्छ कि भनेर वेलुका आठ बजेतिर म दमकस्थीत इलाका प्रहरी कार्यालय पुगेको थिएँ । मलाइ कार्यालयबाट जानकारी दिइएअनुसार घटनाका प्रत्यक्षदर्शी तथा केवीसँगै मोटरसाइकलमा सवार खड्काका नाति डम्वर कुमार कार्की (वेल-१, एफ ३, २६७) थिए । उनका अनुसार नकाव लगाएका दुइ व्यक्तिले हात उठाएर मोटर साइकल रोक्न खोजेको तर खडकाले मोटरसाइकल नरोकेपछि अगाडीको चक्कामा रड घुसाइ मोटरसाइकल रोकेर एक्कासी जथाभावी छुरा प्रहार गरेका थिए । त्यसपछि ती आक्रमणकारीहरु जंगलैजंगल भागेका थिए ।
शिविरमा वेलुकादेखि सुरक्षा स्थिति कडा पारिएको छ । र हालसम्म घटना कसले र किन गरायो भन्ने खुल्न सकेको छैन ।