सामुहिक टिका

जोखिममा पारिएका वालवालिकाको निधारमा शरणार्थी अगुवाहरुको हातबाट सामुहिक टिका कार्यक्रम भूटानी शरणार्थी शिविरको बेलडाँगी-१मा रहेको सामूदायिक बालस्याहार केन्द्रमा सम्पन्न भएको छ ।

आफ्नो हक-अधिकारबाट वञ्चित रहेका तथा अथवा अभिभावकको मायाबाट टाढा रहेका वालवालिकालाई विगतका दिनहरुदेखि भूटानी शरणार्थी महिला मञ्चको विधान अनुसार शिविरमा रही जोखिममा पारिएका वालवालिका तथा महिलाहरुको हक-अधिकार सम्बन्धि बुलन्द आवाजका साथ वाक स्वतनत्रताकालागि यूएनएचसिआरसगँको सहकार्यमा केन्द्र सञ्चालित छ ।


केन्द्रमा सात शिविरका विभिन्न सेक्टरहरुमा जोखिममा रहेका वालवालिकाको खोजी गरि उनीहरुलाइ शिक्षा, हक-अधिकार, गाँस, बास र कपास जुटाउन भूटानी शरणार्थी बालमञ्चले विगतका दिनहरुमा काम गर्दै आएको छ । हाल केन्द्रमा त्यस्ता वालवालिकाको संख्या चार रहे पनि विभिन्न कारणबाट जोखिमा परेका वालवालिकाको संख्या दैनिक रुपमा शिविरमा बढिरहेको कार्यक्रम संयोजक इन्द्र तिम्सिनाले बताउनु भयो ।

सो केन्द्रमा शिविरभित्रका वालवालिका को-कसैबाट जोखिममा पारिएको भए, त्यसको सुरक्षाका लागि सम्बन्धित निकायमा सोधपुछ गरि संरक्षण गर्ने कार्य गरिरहेको महिला मञ्चकी कार्यक्रम संयोजक पासाङ्ग भुजेलले बताउनु भयो । हाल बालस्यार केन्द्रमा शनिश्चरे क्याम्पबाट चार वालवालिकालाई ल्याई राखिएको र पछिका दिनमा अरु जोखिम अवस्थामा रहेका वालवालिकाहरुलाई सुरक्षा, सहभागिता र संरक्षणमा समावेश गरिने कार्यक्रम अधिकृत अम्बर सुव्वाले जानकारी दिनु भयो ।

उक्त कार्यक्रममा शिविर सचिब टि.बि.गुरुङ्ग, बालमञ्च संयोजक इन्द्र तिम्सिना, पासाङ्ग भुजेल, अम्वर सुब्बा लगायत सुरक्षा निकायका अगुवाहरुबाट जोखिममा पारिएका वालवालिकालाई आज मायाको आर्शिवाद प्रदान गरिएको छ ।

बालस्याहार केन्द्रमा त सामूहिक टिका मनाइयो भने शिविरमा पहिलेको जस्तो गरि दशैं नमनाइएको पाइयो । दैनिक रुपमा बढ्ने हिंसाका कारण शिविरमा सुरक्षा व्यवस्था कडा पारिएको सुरक्षा वेशका स.प्रा.ना.नि गुन्जराज बानिया बताउँछन् । शिविरमा शरणार्थी जनसंख्या घट्दो भएकाले कसैले तेस्रो देशमा चार्डपर्व मनाए भने आफन्तजनले भनि शिविरमा भयसँग दशैं मनाउनु परेको छ ।