एक शरणार्थी सहित २३ को मृत्यु

धरान चर्च दुर्घटनामा मृत्यु हुने भुटानी शरणार्थी एक जना मात्र भएको पुष्टि भएको छ । दुर्घटनाको खवर सुनेर धरान पुगेका वेलडाँगीका सामुयललाइ मैले फोनबाट जानकारी मागेको थिएँ । उनका अनुसार वेलडाँगी २ (विस्तारित), सेक्टर वी २, छाप्रा नं. ५२ की ८२ बर्षीया दिलमाया ल्वागुन रहेकी छन् ।

धरान-१९ भिक्टोरिया चोकस्थित चर्चमा दुर्घटना हुँदा चार बालबालिकासहित २३ जनाको मृत्यु भएको छ । गएराति साढे ११ बजे सियोन चर्चमा आयोजित अन्तर्राष्ट्रिय पवित्र सम्मेलनका लागि बनाइएको बाँसको अस्थायी दुईतले टहरा भत्किएपछि दुर्घटना भएको हो ।


दुर्घटनामा ६४ जना गम्भीर घाइते भएकाहरुको विपि कोइराला स्वास्थ्य विज्ञान प्रतिष्ठानको आकस्मिक कक्षमा उपचार भईरहेको प्रहरीले वताएको छ ।
बाँसको टहरा भत्किएपछि ज्यान गुमाउनेहरुमा बौकाझोडा झापाकी ४५ बर्षीया नन्दाकिशोरी लिम्बू, भद्रपुर-१२ झापा बस्ने ४० बर्षीया सरोजा लिम्बू, सैनिकमोड झापा बस्ने १२ बर्षीया आशा राई, इमाडोल-८ ललितपुर बस्ने ४८ बर्षीया सरिता दियाली, काठमाडौ बस्ने ७ बर्षीय ञसुलेमान तामाङ, सूर्यनगर-३ झापा बस्ने ९ बर्षीया इकोला लिम्बू, बेलडाँगी झापा बस्ने ८२ बर्षीया दिलमाया ल्वागुन, उदयपुरको ठोक्सिला-८ बस्ने २९ बर्षीय राजेश राई, महेसपुर-३ झापा बस्ने १६ बर्षीया शान्ति तामाङ रहेका छन् ।


यसैगरी शान्तिनगर-१ झापा बस्ने १० बर्षीय अभिशेक राई, डाँगीहाट मोरङ बस्ने ३५ बर्षीया पवित्रा लिम्बू, तरहरा-२ बस्ने ६० बर्षीया गोमा भूजेल, निशानडाँडा सुनसरी बस्ने ५५ बर्षीया आटीमाया राई, झापाको विर्तामोड बस्ने २८ बर्षीय मर्सी मेचे, गुवाथान भारत बस्ने ३५ बर्षीया निरु राई, बेल्डाँगी झापा बस्ने नन्दीमाया विक रहेका छन् ।

यसैगरी ज्यान गुमाउने अन्यमा बेलबारी-३ मोरङ बस्ने ३८ वर्षीय राजेश राई, रुपन्देहीको मृगौली बस्ने ३८ बर्षीया कलावती खौसियार, डाँगीहाट-१ मोरङ बस्ने ६० बर्षीय किशन चौधरी, मोरङको चन्द्रपुर बस्ने ५५ बर्षीया कुमारी तामाङ, लक्ष्मीमार्ग मोरङ बस्ने ५० बर्षीया पुनम मगर, पान्थरको यासोक बस्ने ४८ बर्षीय पिटर लावती, कास्कीको तल्लो गगनगौंडा बस्ने २५ बर्षीया कल्पना थामी रहेका छन् ।

चर्चको सम्मेलनमा नेपाल भारतका २ हजार बढी सहभागी भएका थिए । सम्मेलन असोज १२ गतेदेखि सुरु भएको थियो । बाँसको टहरामा एक हजार ५ सय बढी बसेका थिए । उनीहरुलाई स्थानीय बासिन्दा र प्रहरीले उद्धार गरेका थिए ।

मृतक सबैको सनाखत भइसकेको प्रतिष्ठानस्थित प्रहरी पोष्टका प्रमुख बैजु योगीले बताउनु भएको छ ।

(अनलाइन खवरबाट)