खड्काको दाहसंस्कार सम्पन्न

भुटानी शरणार्थी शिविर, बेलडाँगीमा हिजो हत्या गरिएका शरणार्थी अगुवा तथा समाजसेवी केवी खड्काको आज दाहसंस्कार गरियो । उहाँको शवलाई चन्द्रगढीबाट पोष्टमर्टम गरि बेलुकी पाँच बजेतिर उनको वेलडाँगीस्थित निवासमा ल्याइएको थियो ।

उहाँको शवयात्रामा करिब १०,००० भूटानी तथा नेपाली सहभागी भएका थिए । विभिन्न राजनैतिक पार्टी प्रतिनिधि, विभिन्न संघसंस्थाका प्रतिनिधिहरू, शरणार्थी सरोकारसमद्ध, मानवाधिकारवादी, पत्रकार लगायत सवै पक्षका व्यक्तिहरूले उहाँको अन्तेष्टिमा सामेल भएर मृत आत्माको चीरशान्तिको कामना गरेका थिए ।
मृतक खड्का जेठा छोरा जितले बावुको चितामा साँझ 6 बजेतिर दागवत्ती दिएका थिए ।