पत्रकारीता सम्बन्धि अभिमुखिकरण तालिम

शरणार्थी युवाहरुका लागि आयोजित आधारभूत पत्रकारीता सम्बन्धि तीन दिने अभिमुखिकरण तालिम आइतबार झापाको दमकमा रहेको बेलडाँगी-२ को युवा मैत्री केन्द्रमा सम्पन्न भयो ।

युवा मैत्री केन्द्र र प्रतित साहित्यिक पत्रिकाको संयुक्त आयोजनमा भएको तालिममा झापा र मोरङका सातवटै शिविरमा रहेका युवा मैत्री केन्द्र र सञ्चार क्षेत्रका ६ महिलासहित २६ जना शरणार्थी सहभागी थिए । तालिममा प्रेस चौतारी झापाका अध्यक्ष गोपाल गड्तौला र उज्वल प्रसाईले सहजीकरण गरेको थिए ।
तालिम समापन कार्यक्रममा मैत्री केन्द्रका सह-कार्यक्रम संयोजक मनोरथ पोख्रेल र भूटानी साहित्यकार याम थुलुङ उज्यालो नेटवर्ककी सावित्रा ढुंगाना लगायतले बोल्दै शरणार्थी समाजका गतिविधिहरुलाई अझ सजिलो रुपले जस्ताको तस्तै बाहिर ल्याउन तालिमले सहयोग पुर्याउने विश्वास ब्यक्त गरेका छन् ।