लुथरनको २५ औं रजत जयन्ती

लुथरन विश्व फेडरेशनले आफ्नो २५ औं स्थापना दिवसको अवसरमा आज विविध कार्यक्रम गरि मनाएको छ । दमकस्थित लुथरनले आयोजना गरेको सो कार्यक्रममा संस्थामा २५ वर्ष सेवा गरेका कर्मचारीहरुलाई कदरपत्रसहित सम्मान गरेको छ भने क्रमशः २०, १५ र १० वर्षसम्म सेवा गरेका कर्मचारीहरलाई पनि कदर गरेको छ । दमकमा आयोजना गरेको सो कार्यक्रममा शरणार्थी मामिला सम्वन्धि अन्तराष्ट्रिय संस्था युएनएचसीआरकी दमक प्रमुख रैनावति रेनावतिले कर्मचारीलाई सम्मान तथा कदर पत्र प्रदान गर्नु भएको थियो । कार्यक्रममा उहाँले लुथरनलाई युएनएचसीआरको तर्फवाट निरन्तर सेवा सुविधा उपलव्ध गराउने प्रतिवद्धता समेत जाहेर गर्नुभयो ।

कार्यक्रममा एक दर्जन कर्मचारीहरुलाई सम्मान गरेको थियो । कार्यक्रमको सभापतित्व लुथरनका दमक प्रमुख ध्रुवराज पण्डितको अध्यक्षतामा भएको थियो । सो कार्यक्रममा सवै शरणार्थी शिविरका तर्फबाट शिविर सचिबको प्रतिनिधित्व गर्दै सचिब टि.वि.गुरुङले नेपाल सरकार र दातृ सघं-संस्थासंग शरणार्थीको दर्ता प्रकृयामा जोड दिन आग्रह गर्नु भएको थियो भनि लुथरनलाई शुभकामना पत्र बुझाएका थिए। ।त्यसै गरि भूटानी शरणार्थी बालमञ्चका कार्यक्रम संयोजक इन्द्र तिम्सिनाले बालबालिकाको क्षेत्रमा निरन्तर सेवा सुविधा प्रदान गर्न आग्रह गर्दै शुभकामना पत्र ध्रुवराज पण्डिलाई बुझाएका थिए । त्यसै गरि कार्यक्रममा नेपाल सरकारका प्रतिनिधि मोरङ्गका स्थानिय विकास अधिकारी, कारितास नेपाल, विशव खाद्यन्न कार्यक्रम, आप्रवाश संगठन, स्थानिय संघ-संस्थाका प्रतिनिधिहरुको उपस्थिति रहेको थियो ।