गोलधापमा चेम्जोङको जन्मजयन्ती मनाइयो ।

झापाको गोलधाप भूटानी शरणार्थी शिविरमा किरात इतिहासविद् इमानसिङ चेम्जोङ्गको १०७औं जन्मजयन्ती भव्यताका साथ मनाईएको छ । 

शिविर व्यवस्थापन समिति र किरात परिवारको आयोजनामा सम्पन्न सो कार्यक्रममा शरणार्थी समाजसेवी, अगुवा तथा शिक्षकलाई सम्मान गरिएको थियो । सम्मानित हुनेहरुमा श्री भागवत निरौला, भानु घले, लक्ष्मी दहाल र चेतन खनाल हुनुहुन्थ्यो ।

शिविर व्यवस्थापन समितिका अगुवा तथा सचिव भानु गुरुङ्गको सभाध्यक्षता सम्पन्न सो कार्यक्रममा प्रमुख अतिथि किरात धर्म तथा सहित्य उत्थान संघका केन्द्रिय उपाध्याक्ष देवदास राई रहनु भएको थियो भने भूटानी गजलकार याम थुलुङ्ग विशेष अतिथि हुनुहुन्थ्यो । साथै शरणार्थी अगुवा बम बहादुर राईलगायतको आतिथ्यता रहेको सो कार्यक्रममा विभिन्न वक्ताहरुले किरात गुरू इमानसिङ चेम्चोङले किरात धर्ममा पुर्याउनु भएको योगदानका बारेमा मन्तब्य राखेका थिए ।
किरात परिवारबाट सो अवसरमा विभिन्न झाँकी तथा नृत्यहरु प्रर्दशनसमेत गरिएको थियो ।