शरणार्थी सन्देश

किर्ते र ठगी

स्थानीय मान्छेलाई किर्ते विवरणको भरमा शरणार्थी बनाउन खोजेको अभियोगमा बेलडाँगी २ शिविरका २ शरणार्थी सहित पाँच जना पक्राउ परेका छन ।
गएराती दमक ११को एक होटलबाट पक्राउ परेका शरणार्थीहरुमा बेलडाँगी २ शरणार्थी शिविरका पूर्वसचिव देवराज प्रधान र बेलडाँगी २ कै सेक्टर आई१ छाप्रो नम्बर ७८ का मकर बहादुर गुरुङ्ग सहित तीन स्थानीय पनि छन ।
घटना बिवरण अनुसार पूर्व सचिव प्रधानको मिलेमतोमा गुरुङ्गले धनकुटाको पाख्रीबास ३ का दीपेन्द्र मानन्धर , त्यहींका रुद्र बहादुर गुरुङ्ग र काठमाण्डौंको गोंगबु ७ का उत्तम गुरुङ्गलाई नक्कली बिवरण बनाई छोराको रुपमा दर्ता गराउने प्रकृया अघि बढाएको बताइएको छ ।
ति पाँच अभियुक्तलाई किर्ते र ठगी सम्बन्धी मुद्धा चलाउने तयारी भइरहेको दमक प्रहरीले जनाएको छ ।
नेपालको मुलूकी ऐनमा ठगी र किर्ते सम्बन्धी मुद्धामा बिगो बराबरको जरीवाना र १० बर्षसम्मको कैद सजायँ हुने उल्लेख छ ।

आइसि आरसीको सहयोग  

पछिल्लो ९ महिनामा अन्तराष्ट्रिय रेडक्रस (आइसि आरसी )ले भुटानको जेलमा रहेका ४० शरणार्थीका शिविरस्थित आफन्तलाई भुटान पुर्याई भेटघाट गराएको जनाएको छ ।
भुटानमा रेड्क्रसको कुनै एकाई नभएका कारण अन्तराष्ट्रिय रेड्क्रसका काठमाण्डौं र दिल्लीस्थित कार्यालयले शरणार्थीका भुटानी जेलमा रहेका आफन्तका खबर आदान प्रदान गराउने र भेटघाट गराउने गरेको रेड्क्रसको भुटानी शरणार्थी सहायता कार्यक्रमका अधिकृत ललित खतिवडाले शरणार्थी सन्देशलाई बताउनुभएको छ ।
भुटानले अन्तराष्ट्रिय रेड्क्रसलाई त्यहाँको राजधानी थिम्पूस्थित केन्द्रिय कारागार चेम्गाङ्गको मात्र भ्रमण अनुमती दिएको छ ।
भुटानमा अरु १८ वटा जेल पनि छन । यस सम्बन्धि रिपोर्ट केहीबेर पछि प्रशारण गर्नेछौं ।
अवैध काठ बरामद

दमकको बेलडाँगी सशस्त्र प्रहरीले अस्ति सोमबार राति दुइ शरणार्थी सहित ६ जनालाई काठ ओसारीरहेको अवस्थामा पक्राउ गरेको छ ।
पक्राउ पर्नेहरुमा बेलडाँगी १ शरणार्थी शिविर सेक्टर एफ १ छाप्रो नम्बर १३ का मौषम मोक्तान र सेक्टर जि ३ छाप्रो नम्बर २७८ का मंगलसिंह सुब्बा रहेका छन ।
यसैगरी त्यो घटनामा इलामको चुलाचुली ९ का नगेस सुब्बा ,बालनन्द सुब्बा ,देवनन्द सुब्बा र ज्ञान बहादुर सुब्बा पनि समातिएका छन ।
झापा जिल्ला बन कार्यालयमा बुझाइएका ति ६ अभियुक्तका साथबाट १० किबि अवैध काठ समेत बरामद गरिएको छ ।


१४ वषिर्या बालिकाले कपाल खौरेर
एकजना १४ वषिर्या शरणार्थी बालिकाले कपाल खौरेर आफ्नी दिवंगत आमाको आसौच बारिरहेकी छन ।
घटना खुदुनाबारी शरणार्थी शिविरको हो ।
गएको १७ असोजमा परलोक भएकी आमा नरमाया सापकोटाको छोराले जस्तै १४ वषीया छोरी सुमन्ती सापकोटाले आसौच बारिरहेकी छिन् ।
सापकोटा परिवार त्यहाँको सेक्टर ए१ छाप्रो नम्बर २८ मा बसोबास गरिरहेको खुदुनाबारी शरणार्थी शिविरका सचिव भानु ढुंगानाले बताउनुभयो । सुमन्तिका दाजु भाइ छैनन् ।

संलग्नता नरहेको दाबी
एउटा भुटानी भुमिगत संगठनले अघिल्लो महिना एकजना शरणार्थी कार्यकर्ता मारिएको घटनामा आफ्नो संलग्नता नरहेको दाबी गरेको छ ।
युनाइटेड रिभ्योलुसनरी फ्रन्ट अफ भुटानद्धारा प्रेशित एउटा इमेल बक्तब्यमा बेलडाँगी ३ शरणार्थी शिविरका भूतपूव सचिव केबी खड्का मारीएको घटनामा आफ्नो संगठनको संलग्नता नरहेको भन्दै सफाईको प्रयास गरेको छ ।
बक्तब्यमा संगठन भुटानको तानाशाही सत्तालाई घुँडा टेकाउन ,शरणार्थीलाई घर फर्काउन र नागरिक अधिकार फर्काउन केन्द्रित रहेको पनि उल्लेख छ ।
गएकेा २३ भदौमा बेलडाँगी शिविर नजिक पर्ूव सचिव केबी खड्काको ज्यान लिइएको घट्नाको अनुसन्धानको क्रममा प्रहरीले बेलडाँगी १ का यादव गुरुङ्ग र टिमाईका पहलमान र्राईलाई पक्राउ गरी कार्वाही अघि बढाएको छ ।
ति अभियुक्तहरुको बयानका आधारमा अरु केहीको खोजी भइरहेको पनि श्रोतले बताएको छ ।
यसैबीच भुटानी अधिकारबादी संगठन हृयुरोवका अध्यक्ष एसबी सुब्बाले पनि त्यस्तै ब्यहोराको इमेल बिज्ञप्ति मार्फ त्यो घटनामा आफू संलग्न छैन भन्नु भएको छ ।
बिज्ञप्तिमा खड्काको ज्यान लिइएको घटनाले आफूले एक मिलनसार मित्र गुमाएको लेख्दै सुब्बाले त्यो घटनाको छानबिनमा आफू सहयोग गर्न तयार रहेको जनाउ दिनुभएको छ ।
शरणार्थी समाजमा समाजसेवी ब्यक्तीको रुपमा परिचित खड्काको ज्यान लिइएको एक महिना पछि मात्र सुब्बाको त्यस्तो बक्तब्य आएको हो ।

खेल
खुदुनाबारी शरणार्थी शिविरमा दशैं तिहारको अवसर पारेर खेलाइएको अन्तर सेक्टर भलिबल प्रतियोगीता सेक्टर बि को ए टिमले जितेको छ ।
फाइनल खेलमा सेक्टर बि को ए टिम र सेक्टर्रर् इको बि टिमबीच प्रतिस्पर्धा भएको थियो ।
खुदुनाबारी शरणार्थी शिविरको युवा मैत्री केन्द्रले आयोजना गरेको त्यो भलिबल प्रतियोगीताको बिजयी टिम सेक्टर बि को एलाई १५०० सय र उसको प्रतिस्पर्धी सेक्टर्रर् इ को बि टिमलाई १२०० सय रुपैंयाको नगद पुरस्कार दिइयो । सेक्टर बि का खेलाडी धनबहादुर मगर म्यान अफ दि म्याच घोषित भए ।
गएको १८ गते देखि शुरु भलिबल प्रतियोगीता २२ गते सकिएको थियो । त्यो भलिबल प्रतियोगीतामा सात वटा सेक्टरका १२ टिम सहभागी थिए ।
यसैगरी तिहारको अवसर पारेर गोलधाप शरणार्थी शिविरमा पनि फुटबल प्रतियोगीता भइरहेको समाचार प्राप्त भएको छ ।
अस्ति २० गतेदेखि शुरु फुटबल प्रतियोगीतामा महिलाहरुको दर्ुइ टिम सहित १४ टिम सहभागी छन ।
अस्ति सोमबार भएको लभली र भाङ्गा पार्ट टु बीच भएको क्वाटर फाइनल खेल १-० को अन्तरले लभली क्लबले जितेकेा छ ।
यसैगरीे टिपटप र फ्रेन्डसिप स्पोर्टिङ् क्लबबीच हिंजो भएको क्वाटर फाइनल खेल फे्रन्डसिप क्लबले २ -० को अन्तरले जितेको छ ।
गोलधाप शरणार्थी शिविरको युवा मैत्री केन्द्रले आयोजना गरेको फुटबल प्रतियोगिताको फाइनल खेल आउने शनिबार हुने बताइएको छ ।