शोक सभा सम्पन्न

समाजसेवी तथा पूर्व सचिव केवी खड्काको तेह्रौं दिने कामको दिन शरणार्थी समूदायले शोक सभा गरेको छन् ।
शोक सभामा शरणार्थी प्रतिनिधि लगायत शिविरमा विभिन्न कार्यबाट शरणार्थीमा सघाउ पुर्‍याउने सघं-सस्थाहरुले समवेदना ब्यक्त गरि सुरक्षा निकाय तथा नेपाल सरकारलाई खड्काको हत्या सम्बन्धमा जतिसक्दो छिटो छानविन गरि अपराधीलाई कानुनी कार्वाहीको मागसमेत राखेका छन् ।
त्यसैगरि मिडिया नेटवर्क भूटानले पनि समवेदना पत्र पठाई खड्काको आत्माको चीर शान्तिको कामना गर्दै एक प्रेश विज्ञाप्ति निकाली घटनाको छानविन गरि कडा कार्वाहीको मागसमेत राखेको नेटवर्कका अध्यक्ष मनोरथ पोख्रेलले बताउनु भएको छ । शोक सभामा मनोरथ पोखरेल, क्याम्प सचिब नारदमुनि सन्यासी, सुवास आचार्य, भू.क.पा. (मालेमा)का प्रतिनिधि पुष्प क्षेत्री लगायत सुरक्षा निकायका सशस्त्र प्रहरी निरीक्षकले पनि सुरक्षा सम्वन्धि मन्तव्य ब्यक्त गरेका थिए ।
शिविरमा सुरक्षा ब्यवस्था भने कडा पारिएको छ तर खड्का हत्याकाण्ड सम्बन्धी कुनै पनि अधिकारीक धारणा अहिलेसम्म निस्किएको छैन ।
खड्काको गत २०६६/०५/२३ गते विहिवारका दिन दमकबाट निवासतर्फ जाँदै गर्दा अज्ञात समूहले बेलडागी-१ र २मा रहेको हम्से दुम्से सामूदायिक वन कार्यालय अगाडि छुरा प्रहार गरि हत्या गरेका थिए । उनलाई कसले र किन हत्या गरेको थियो भन्नेबारेमा छानविन र अनुसन्धन भइरहेको प्रहरीले जानकारी दिएको छ ।
सो सभामा धेरैजसो शरणार्थी नेतृत्वहरुको भने उपस्थिति देखिएको दिएन् ।