अगुवाहरूबाट समवेदना तथा सान्त्वना

पत्नी विष्णु कुमारीका साथ मृत खड्का
हिजो हत्या गरिएका बेलडागी-२ (विस्तारित)का पूर्व सचिव तथा सामाजिक कार्यकर्ता केवी खड्काको भूटानी शरणार्थी शिविर स्थित उनको घर पुगि नेपाल तथा भूटानका विभिन्न मानवअधिकारवादी संस्थाका प्रतिनिधि, स्वदेश फिर्ती सम्वन्धि सघं-सस्थाका अगुवाहरू, नागरिक समाज लगायत शरणार्थी शैक्षिक संस्था कारितासका प्रमुखहरुले उनका परिवारजनलाई सान्तवना दिँदै समावेदना प्रकट गरेका थिए ।
उनीहरूले नेपाल सरकारले सो घटनामा सम्लग्न ब्यक्तिहरुको खोजी गरि कडाभन्दा कडा र्कावाहि गर्नु पर्ने, सम्पूर्ण शरणार्थीहरुले अपराधीको खोजीमा प्रहरीलाई सहयोग गरी शिविरमा दिनप्रतिदिन घटने मानवीय घटनाहरुको रोक्थाममा जुट्नु पर्ने साथै शरणार्थीको सुरक्षा जस्ता माग गरेका छन् । खड्काको शव आजै पोष्टमर्टमका लागि मंगलबारेबाट भद्रपुर अस्पताल लगेको प्रहरीले जानकारी दिएको छ ।

दमकबाट गएका विभिन्न संघसंस्थाका प्रतिनिधिहरू खड्कापरिवारलाइ सान्त्वना दिँदै
खड्को दाहसंस्कार आज अपरान्ह झापाको रतुवा खोलामा हुने भएको छ । खड्काको हत्या कस्ले, किन गरेको भन्नेबारेमा जानकारी प्राप्त नभएको र अहिलेसम्म कसैले पनि जिम्वेवारी नलिएको दमक प्रहरीले जानकारी दिएको छ ।