शिविरमा सवारी साधन बर्जित

झापा र मोरङमा बस्दै आएका भुटानी शरणर्थी शिविरमा आपराधिक गतिबिधि बढेपछि प्रशासनले शिविरभित्र सबारी साधन लैजान बर्जित गरेको छ ।बेलडाँगीका ३ वटै शिविरमा प्रबेश गर्नेका लागि र बाहिर आउनेका लागि प्रशासनले निगरानी बढाएको छ । शिविरमा रहेको सशस्त्र प्रहरीको बेश क्याम्पले शिविर छिर्ने स्थानमा बाँसको ढाट राखि आवत जावतमा कडाइ गरेको हो ।

अनुमति विना शिविरभित्र पस्न दिदैनौं” बेलडाँगीस्थित शसस्त्र प्रहरी बेशका निरीक्षक गण्डीवराज स्याङतानलले भन्नुभयो ।शरणार्थी शिविरमा केही दिनयता बढेको आपराधिक गतिबिधिले शिविरमा रहेका शरणार्थीहरु बिस्थापित हुने क्रम बढेपछि कडाइ गरिएको शसस्त्र प्रहरीले जनाएको छ ।शरणार्थी अगुवामाथि हत्याको धम्की आएपछि उनीहरुले सुरक्षाको माग गर्दै आएका छन् ।