शरणार्थी पक्राउ

भुटानी शरणार्थी शिविर, बेलडाँगी-१ बाट प्रहरीले हिजो राती ३ जनालाई पक्राउ गरेको छ । पक्राउ पर्नेमा बेलडाँगी - २ (विस्तारित), सेक्टर इ २, छाप्रो नं. २८ का खड्ग सुव्वा, बेलडाँगी - १ सेक्टर वी १, छाप्रो नं. १२ का आइत राज राइ र शनिश्चरे शिविर, सेक्टर बी १ छाप्रो नं. ३२ का किरण राई छन् ।उनीहरुले बेलडाँगी - २ सेक्टर बी ४, छाप्रो नं ३१-२१ का दीर्घ मगरको घरमा राति झण्डै नौ बजेको समयमा गई आक्रमण गरेका थिए । उनीहरुको आक्रमणमा परि भावना अधिकारीको देव्रे हात काटिएको छ भने ट्यामे मगरको टाउकोमा चोट लागेको छ भने अन्य ८-९ जना सामान्य घाइते भएका छन् ।