रंगमञ्चमा शरणार्थी युवा

समाजमा सहि सूचना प्रवह गर्नका लागि शरणार्थी युवाहरुको एक समूहले सन् १९९७ मा शरणार्थी शिविरमा साझा परिवर्तन नाट्य परिवारको स्थापना गर्‍यो ।
यो समूहअर्न्तगत सातवाटै शिविरमा शाखा कार्यालयहरु स्थापना गरि जनचेतनामूलक अभियान सञ्चालन गरि रहेको परिवारका अध्यक्ष वालकृष्ण अधिकारी बताउँछन् ।
शिविरभित्र समय-समयमा देखा पर्ने जीवनघातक रोग, घरेलु रोग, बाल विवाह, बाल हिँसा, घर झगडा जस्ता आदिमा जीवनजस्तै अभिनय देखाएर समाजलाई हिंसारहित निमाण गर्न अहोरात्र साझा परिवारले घर आगनमा गई जनचेतनामूलक अभियान भुटानी शरणार्थी बाल मञ्चको सहयोगमा गर्दै आएको छ ।

हुन त यो परिवार आफैमा विशुद्ध राजनैतिक रहेकाले सम्पूर्ण कार्यक्रमहरु सामजिक परिपेक्ष्यमा रहेर समाजका हरेक कृयाकलाप, समस्या र समाजिक कुरीति र विसङ्गतिलाई चित्रण गदै नाटकिय ढङ्गमा प्रस्तुत गदै नेपालको राजधानी काठमाण्डौसम्म प्रस्तुत गर्नका लागि पनि चुकेन नाट्य परिवार ।
कथावस्तुले मागे जस्तै गरि पात्रहरुको संयोजनमा समाजमा भईआएका विभिन्न घटनालाई नियान्त्रणको बहसमा लिई "समाज निर्माण गर्नु आजको आवश्यकता हो, त्यसैले समय दिनुहोस्, हामी तपाईलाई हात दिन्छौ ।" भन्ने नाराका साथ शिविर-शिविरमा अभिभान थालेका छन् युवाहरुले ।
बालमञ्चका कार्यक्रम संयोजक इन्द्र तिम्सिना भन्छन् "समाजमा कसैको केही घटना घट्यो या कसैको बालबच्चा हरायो भने पनि नाट्या परिवारले एक अभिभानको मध्यम मार्फत खोजतलास गर्न सघाऊ पुर्‍याउँदै आएको छ " हिंसारहित समाज निर्माणका लागि विभिन्न सरोकारवालको निर्देशनमा नाट्य परिवारले निःशुल्क रुपमा जनचेतनमूलक नाटकहरु शिविर भित्रको रगंमञ्चमा प्रस्तुत गदै आएको छ तर परिवारलाई भने कसैले पनि आर्थिक सहयोग नपुर्‍एकोमा रगंमञ्चको सपना पूनर्वासको महलमा पुगेको परिवारका सदस्य बताउछन् ।